Departamenti i Punës dhe Politikës Sociale, Universiteti i Tiranës, është një nga institucionet partnere të projektit Erasmus + KA2 “Tani Çfarë?: Përgatitja dhe Fuqizimi i të Rinjve që Largohen nga Kujdesi”. Partnerë të tjerë të projektit janë: Universiteti West i Timishoarës - Rumani (aplikanti kryesor), Athens Lifelong Learning Institute (Greqi), Universiteti Lusofona - Lisbon (Portugali), Fshati SOS Rumani, Fshati SOS Shqipëri, Drejtoria e Përgjithshme për Asistencë Sociale dhe Mbrojtjen e Fëmijëve (DGASPC) Rumani, Smile of Child (Greqi).
Qëllimi kryesor i projektit "TANI ÇFARË?" është mbështetja e të rinjve që dalin nga institucionet e kujdesit për të zhvilluar më të mirën e potencialeve që ata kanë. Projekti do të ofrojë mbështetje për të rinjtë e moshës 16-19 vjeç të cilët janë ose në kujdes ose kanë pak kohë që janë larguar nga institucionet e kujdesit. Projekti ka në fokus rritjen e kapaciteteve të të rinjve në fusha të ndryshme si: strehim, trajnim, mbështetje financiare, ligjor, punësim dhe përfshirje sociale. Pritet që në përfundim të projektit të rinjtë pjesëmarrës në aktivitetet e projektit të rrisin autonominë, dhe zhvillojnë aftësitë jetësore drejtë një jetë të pavarur.
Disa nga aktivitetet e zhvilluara gjatë vitit të parë me bashkëpunimin e të gjithë aktorëve janë:
- Analiza e nevojave të të rinjve që largohen nga kujdesi (raport në nivel kombëtar). Është duke u punuar edhe për raportin krahasues mbi të dhënat e mbledhura në të gjitha vëndet që janë pjesë e projektit (Shqipëri, Greqi, Rumani dhe Portugali).
- Kurrikula e Aftësive të Jetës që ka si qëllim që të ndihmojë të rinjtë që jëtojnë në institucionet e kujdesit sesi të ndërtojnë marrëdhënie dhe të zhvillojnë aftësi që do të forcojnë aftësinë e tyre për të funksionuar mirë në komunitet.
- Doracaku i Aftësive për Jetën ka si qëllim të ofrojë informacion mbi ndihmën praktike që të rrinjtë do të marrin rreth strehimit, arsimit, trajnimit dhe punësimit, çështjeve që lidhen me paranë, shëndetin dhe aftësitë e tjera të jetës të nevojshme kur përgatiten për pavarësi.
- Mjetet/guidat e Aftësive të Jetës kanë si qëllim që të rinjtë të pajisen me një sërë burimesh që ofrojnë informacione mbi listat e shpenzimeve, hapat për marrjen e një karte në bank, etj.
- Guida e trajnerëve që do të shërbejë si udhëzues për trajnerët të cilët do të ofrojnë trajnime në të ardhme për Aftësitë për Jetën.
- Komponenti i mentorimit që ka si qëllimi që të zhvillojë një lidhje kuptimplotë midis të rinjve që dalin nga institucionet e kujdesit dhe të rriturve me përvojë, me të cilët do të zhvillojnë planet e tyre individuale "Pas Kujdesit", që mbulojnë çështje thelbësore, siç janë strehimi, arsimi, nevojat personale etj. Është duke u punuar për protokollin e mentorimit dhe në muajt në vazhdim do të ofrohen edhe trajnime për mentorët që do të ofrojnë kujdes për të rinjtë që dalin nga institucionet e kujdesit.