Përmbledhja e mëposhtme përfaqëson një esktrakt nga raporti i fundit i ECJJ mbi praktikat më të mira brenda BE-së. Ilustron një interes në rritje për përdorimin e masave restauruese. Megjithatë, gjetjet sugjerojnë që praktika edhe në vendet evropiane është e kufizuar, thuajse non-ekzistente. Pra, dokumenti ofron një përpunim të dokumenteve kryesore pse është e rëndësishme të mbështesim zhvillimin e masave restauruese si dhe hapat kryesore sesi duhet kryer.
Pse të mbështesim drejtësinë restauruese:
- Drejtësia restauruese është një mënyrë për të kuptuar dhe për të bërë drejtësi nëpërmjet pjesëmarrjes aktive të viktimave, kundervajtësve dhe komunitetit për të riparuar dëmin dhe për të parandaluar ndonjë dëmtim më të madh.
- Drejtësia restauruese bën më shpejt drejtësi, e bën në mënyrë më të drejtë dhe më një kosto më ulët sesa sistemet formale të drejtësisë.
- Drejtësia restauruese redukton koston e ndërhyrjeve shtetërore, kënaq viktimin, nxit ndjenjën e fajit tek kundërvajtësit dhe redukton rrezikun e përsëritjes së veprës.
- Drejtësia restauruese mbështetet nga politikat ndërkombëtare dhe evropiane.
- Drejtësia restauruese kontribuon për rritjen e fëmijëve në një shoqëri evropiane moderne, demokratike dhe pluraliste.
Rekomandimet kryesore që ka nxjerrë raporti përfshijnë:
- Të kalohet legjislacioni që mundëson ose detyron prokurorët dhe gjykatësit të referojnë rastet për drejtësi restauruese.
- Të zhvillohet një politikë e plotë për drejtësinë penale që përfshin parandalimin, ndryshime nga sistemi formal, ndryshim nga burgimi dhe riintegrimi nëpërmjet proceseve restauruese.
- Rishikimi i politikave mbi mbështetjen e familjes, fëmijët dhe shkollat të prezantojnë proceset restauruese.
- Të përcaktohen standarde praktikash që garantojnë cilësinë e proceseve restauruese.
- Të mbështeten trajnimet cilësore për të përgatitur profesionistë që do të angazhohen dhe do të përgatisin palët për pjesëmarrje tek procesi restaurues dhe për të lehtësuar procesin.
- Të promovohet drejësia restauruese tek publiku dhe tek partnerët kryesorë.
- Hulumtim mbi drejtësinë restauruese dhe rezultatet.
Burimi: International Juvenile Justice Observatory,. Toolkit For Professionals: Implementing A European Model For Restorative Justice With Children And Young People. Bruksel: International Juvenile Justice Observatory, 2015. Web. European Research on Restorative Juvenile Justice Volume III.
Përgatitur nga Simona Demková për Child Hub, qershor 2016