Në vitin 2018, misioni i Terre des hommes Shqipëri filloi zbatimin e projektin "Qasjet restauruese – Alternativa për fëmijët në konflikt me ligjin”, projekt i cili financohet nga Bashkimi Evropian dhe zbatohet nga Terre des hommes Shqipëri, në partneritet me Fondacionin për Zgjidhjen e Konflikteve dhe Pajtimin e Mosmarrëveshjeve (AFCR) dhe Terre des hommes Hungari. Kjo nismë, synon të kontribuojë në respektimin e të drejtave të njeriut dhe veçanërisht të fëmijëve/të rinjve në konflikt apo në kontakt me ligjin, duke nxitur zbatimin e qasjeve restauruese dhe parandalimin e burgimit bazuar në Kodin e Penal për të Mitur në Shqipëri. Përpos rritjes së njohurive të aktorëve që punojnë në fushën e drejtësisë restauruese, kjo iniciativë ka për qëllim të nxisë efektivitetin e zbatimit të qasjeve restauruese duke zhvilluar praktika e udhëzime për aktorët kryesorë mbi përdoimin e masave alternative dhe atyre ri-integruese.
Ky webinar, është i dyti në një seri webinaresh që po organizohen në kuadër të drejtësisë restauruese, dhe është një mundësi për aktoret institucionalë dhe jo-institucionalë për të diskutuar online çështje se si media raporton dhe do duhet të raportojë rastet e fëmijëve në konflikt /kontakt me lgjin
Webinari, "Media dhe fëmijët në konflikt me ligjin” do të prezantojë parimet etike të hartimit dhe transmetimit të një lajmi ku në qëndër janë fëmijët në kontakt/konflikt me ligjin, si do duhet të përdoret media nga profesionistët e mbrojtjes së fëmijëve për të mos cënuar privatësinë dhe figurën e fëmijës por për ta mirëpërdorur atë në ndërgjegjësimin e të gjithë aktorëve socialë dhe mbështetje të vazhdueshme për fëmijët, etj.